Голосование
Как Вам новый сайт?
Всего 69 человек

Дзіцячыя часопісы.

Дата: 12 ноября 2019 в 15:07
Автор: Махнач Н. Ф.

461 просмотр

Изображение

Павжаныя бацькі, прапануем Вам азнаёміцца і зрабіць падпіску на цікавыя дзіцячыя часопісы "Вясёлка" і "Буся"

http://www.veselka.by/?cat=37

Давайце сэрцам прызнаем адну простую ісціну: дзеці – людзі як і мы, дарослыя. Больш таго, яны – наша надзея, наш гонар, наш галоўны клопат. А яшчэ яны – нашы суддзі, настаўнікі і нашчадкі. Яны толькі ростам маленькія, а маюць амаль усе якасці дарослых. У іх, як і ў прыроднай вясёлцы, – розныя колеры: аранжавы, чырвоны, блакітны, зялёны, фіялетавы, жоўты, сіні.

Нарадзіў” часопіс для дзяцей Васіль Вітка – класік беларускай дзіцячай літаратуры, першы адказны рэдактар часопіса. Свае творы ўжо ў першыя нумары прапанавалі Васіль Хомчанка, Усевалад Краўчанка, Алесь Якімовіч, Андрэй Александровіч, Эдзі Агняцвет, Ядвіга Бяганская, Станіслаў Шушкевіч, Рыгор Няхай, Мікола Гамолка, Пятрусь Макаль, Алесь Бачыла, Пятро Рунец, Авяр’ян Дзеружынскі, Іван Грамовіч, Міхась Калачынскі… На жаль, нікога ўжо няма на гэтым свеце, усе ў вечнасці, у школьных падручніках. Якія творцы, якія майстры слова!..

“Вясёлка” – адзінае ў Беларусі выданне для дашкольнікаў і малодшых школьнікаў, якое адразу ж стала жаданым і любімым маленькімі чытачамі.
А для тых, хто працаваў у ім, гэта была праца сэрца. Васіль Вітка аддаў “Вясёлцы” сямнаццаць гадоў жыцця. Можна смела пералічваць амаль усіх пісьменнікаў Беларусі. Прозвішчы некаторых, без якіх цяжка ўявіць сённяшнюю “Вясёлку”: Гэта Лідзія Арабей, Мікола Чарняўскі, Ніна Галіноўская, Міхась Даніленка, Васіль Зуёнак, Казімір Камейша, Уладзімір Карызна, Анатоль Клышка, Ніна Маеўская, Павел Місько, Іван Муравейка, Уладзімір Паўлаў, Мікола Мятліцкі, Васіль Жуковіч, Расціслаў Бензярук, Міхась пазнякоў, Павел Саковіч, Васіль Ткачоў, Яўген Хвалей…

У часопіса  тры асноўныя задачы:
навучыць дзяцей любіць сваю Радзіму;
прывіць ім любоў да роднай мовы, спадчыны, гісторыі, культуры;|
паспрыяць, каб дзеці нашы ўмелі шанаваць людзей, якія цярпліва выводзяць іх на жыццёвыя пуцявіны.
Усё гэта разам і ёсць тая нацыянальная ідэя, увасабленне якой у душы і сэрцы дзяцей робіць іх сапраўднымі патрыётамі.
Шмат гадоў “Вясёлка” прабіваецца да дзяцей сваёй першай жывой крынічкай з настойлівай просьбай: любіце Беларусь! Гэтай любові прысвечаны лепшыя творы паэтаў і празаікаў, конкурсныя працы нашых чытачоў. Рэдактары падрыхтавалі пяць кніжак выбраных твораў аўтараў. Кніжкі так і называюцца: “Вясёлка”. Гэта – своеасаблівыя падручнікі для дашкольнікаў і малодшых школьнікаў.
Як жа любіць сваю Радзіму, не ведаючы роднай мовы, спадчыны, гісторыі, культуры, традыцый, свят, сваёй сям’і, сваёй краіны? Вясёлкаўцы цярпліва, з году ў год, пракладваюць першую сцяжынку да сэрцаў сваіх чытачоў. Простым, дасціпным словам верша, казкі, апавядання, жарта, лічылкі, загадкі "Вяселка" падказвае дзецям, што беларуская мова прыгожая, напеўная, багатая. Ну, ніколечкі не горшая за англійскую, нямецкую, французскую.
Каторы год вядзецца рубрыка “Наша спадчына”, у якой апавядае сваім чытачам пра старажытныя падзеі на нашай зямлі, пра знакамітых беларусаў, пра гісторыю гарадоў, пра нашы рэкі, азёры, пушчы. Гэтыя творы склалі асобную кніжку “Нам засталася спадчына”, якая па праву ўвайшла ў залаты фонд гістарычнай літаратуры для дзяцей.Працягваецца гэта тэма і ў рубрыцы “Музей “Вясёлкі”. Тлумачаць дзецям, што такое гарадзішча, замак, курган, якімі прыладамі працы і побыту карысталіся іх дзяды, прадзеды, як былі адбудаваны іх сядзібы, дварышчы.
І трэцяя задача: навучыць дзяцей шанаваць людзей, якія вядуць іх за руку ў жыццё. "Вяселка" не  стамляецца пісаць пра маму, пра яе добрае сэрца, ласкавыя рукі, пра яе душэўныя калыханкі. Сабраныя разам калыханкі  паэтаў убачылі свет у выдавецтве “Юнацтва”, выпусцілі таксама кніжку “Урокі цікавых сустрэч”. Тут апісаны ўрокі, якія правялі на старонках “Вясёлкі” вядомыя людзі Беларусі – Янка Брыль, Артур Вольскі, Ігар Лучанок, Аляксандр Мядзведзь, Уладзімір Кавалёнак…
Час імчыць, жыццё мяняецца. І ў творах, што змяшчаюцца ў “Вясёлцы”, з’яўляюцца новыя матывы.

Ды ўсё-такі для  чытачоў, як і для “Вясёлкі”, ёсць вечныя тэмы: Радзіма, мама, прырода, сябры, дабро, прыгажосць. Мы лічым, дзецям трэба найперш патлумачыць гэтаыя простыя і ў той жа час глыбінныя ісціны, а далей прыйдзе ўсё само сабой.
Высокую планку творчасці “Вясёлка” ўзяла з першых крокаў. Яе вітаў сам Янка Маўр. А ў рэдакцыю, па запрашэнні Васіля Віткі, прыйшлі працаваць Сяргей Грахоўскі, Алесь Пальчэўскі, Артур Восльскі.
Жаданая рубрыка – “Упершыню ў “Вясёлцы”.
“Вясёлка”, набыла ўзровень еўрапейскага часопіса. Яго афармляюць лепшыя мастакі рэспублікі. Яму прапануюць свае песні для дзяцей слынныя кампазітары Беларусі.
Прыемна, што шчырая і плённая праца супрацоўнікаў часопіса заўважана і высока ацэнена: “Вясёлка” ўзнагароджана Ганаровымі граматамі Вярхоўнага Савета БССР і Савета Міністраў Рэспублікі Беларусь, двойчы выходзіла пераможцам Нацыянальнага конкурсу “Залатая Ліцера” (2004, 2007 гг.)
Вясёлкаўцы, – аптымісты і рамантыкі, марылі пра той час, калі ў кожнай сям’і, дзе выхоўваюцца дзеці, будуць чытаць першы жыццёвы падручнік – часопіс “Вясёлка”. Хочацца дачакацца, каб у кожным класе пачатковых школ рэспублікі праводзіліся штомесячна ўрокі “Вясёлкі”, як гэта робяць ужо некаторыя вопытныя настаўнікі.  Хочацца  бачыць нашу мілую Беларусь квітнеючай і багатай, а “Вясёлку” – заўжды святочнай.

КАНТАКТЫ

Установа “Рэдакцыя часопіса “Вясёлка”

Адрас: вул. Кальварыйская, 25, 220073, г. Мінск
Тэл./факс: (017) 200-91-90
Сайт: http://www.veselka.by/
e-mail: Vyaselka2011@yandex.ru (рэдакцыя)
veselka.by@gmail.com (адмiнiстрацыя сайта)

Р/р 3012023871075, код 601
Філіял № 500 МУ ААТ “ААБ Беларусбанк”
УНП 100266474 АКПА 14589605

http://www.veselka.by/wp-content/uploads/2010/12/podpiska.jpg


Комментарии:
Оставлять комментарии могут только авторизованные посетители.